Suma Kanakala: సుమ రెండు రాష్ట్రాలలో ఈ పేరు తెలియని సినీ ప్రేక్షకులు ఉండరంటే అతిశయోక్తి కాదు.. తనదైన చతురతతో వేసే పంచ్ డైలాగులతో ప్రేక్షకులను కట్టిపడేసింది.. సందర్భానికి తగిన పంచ్ విసరడం సుమ ప్రత్యేకత.. సుమ అంటే యాంకరింగ్.. యాంకరింగ్ అంటే సుమ అనేలా గుర్తింపు తెచ్చుకుంది.. తాజాగా కరోనా పోరును ఎదుర్కొనడానికి సుమ తన భర్త డైలాగ్ తో అందరికీ ధైర్యాన్ని నింపుతుంది..!!
రాజీవ్ కనకాల సై సినిమాలో చెప్పిన డైలాగ్ తో సుమ కరోనా పోరును ఎదుర్కొనడానికి ధైర్యాన్ని నింపింది. సై సినిమా లో నితిన్ అతని టీం నిరాశా ,నిస్పృహలకు లోనైనప్పుడు రాజీవ్ కనకాల చెప్పే “భిక్షుయాదవ్ మీకంటే బలమైనవాడు కావచ్చు.. అతని మనుషులు ఆరితేరిన గుండాలు కావచ్చు.. అతని ఓడించడానికి మీ దగ్గర ఏముంది గెలవాలనే తపన తప్ప.. నిజానికి అది ఒక్కటి చాలు మిమ్మల్ని గెలిపించడానికి”.. ఈ డైలాగ్స్ ఇప్పుడు చెప్పడం కరెక్ట్ అనిపిస్తుంది అంటూ సుమ తనదైన శైలిలో చెప్పింది. అందరూ కరోనా గురించి భయపడకండి. అసలు భయం కలిగించే వంటి విశేషాలు అసలు చూడకండి భయం ఎక్కువ అయితే ఇమ్యూనిటీ లెవెల్స్ పడిపోతాయి.. ఆహ్లాదకరమైనవి ఎక్కువగా వింటూ ఉండండి.. ధైర్యంగా ఎదుర్కొండి.. జాగ్రత్తగా ఉండండి అంటూ ధైర్యాన్ని అందించింది.
