Skylab: సత్యదేవ్ ఈ పేరు గురించి ప్రత్యేకంగా పరిచయం అక్కర్లేదు.. క్యారెక్టర్ ఆర్టిస్ట్ గా పరిచయం అయినప్పటికీ వరుస సినిమాలతో దూసుకెళ్తున్నాడు.. విభిన్న కథాంశాలతో ప్రేక్షకులను అలరిస్తూ తనకంటూ ప్రత్యేక ఇమేజ్ ను క్రియేట్ చేసుకున్నాడు.. సత్యదేవ్, నిత్యామీనన్ కలిసి ఓ సినిమా చేస్తున్న సంగతి తెలిసిందే.. ఆదివారం “స్కైలాబ్” సినిమా టైటిల్, ఫస్ట్ లుక్ ను మిల్క్ బ్యూటీ తమన్నా విడుదలచేశారు..!!
1979 లో జరిగిన స్కైలాబ్ ఘటన ఆధారంగా దర్శకుడు విశ్వక్ ఖండేరావు ఈ చిత్రాన్ని తెరకెక్కిస్తున్నారు. అమెరికా మొదటి అంతరిక్ష కేంద్రమైన స్కైలాబ్ భూమిపై పడినప్పుడు బండలింగంపల్లిలో జరిగిన సంఘటనల ఆధారంగా ఈ సినిమా రూపొందుతున్నట్లు తెలుస్తోంది. బైట్, నిత్యామీనన్ ప్రొడక్షన్ కంపెనీ సంయుక్తంగా ఈ చిత్రాన్ని నిర్మిస్తున్నాయి. సత్యదేవ్ నిత్యమీనన్ రాహుల్ రామకృష్ణ ముగ్గురు అంతరిక్షంలో నుండి పడిపోతున్న ఉపగ్రహంలో కూర్చున్న ఫస్ట్ లుక్ అందరినీ ఆకట్టుకుంటోంది.. తమన్నా ఈ పోస్టర్ విడుదల చేస్తూ సినిమా చూడాలని చాలా తొందరగా ఉంది. ఎక్కువసేపు ఆగలేము అంటూ చేసిన ట్వీట్.. ఈ సినిమా పై మరింత ఆసక్తి రేకెత్తిస్తోంది.. ప్రస్తుతం సత్యదేవ్ తిమ్మరుసు, గుర్తుందా శీతాకాలం, గాడ్సే చిత్రాలలో నటిస్తున్నారు.
